'A mmidia
L'invidia
«Si 'a mmidia dassi frevi e tussi
tuttu 'u munnu malatu fussi! »
Chista è 'a storia d’un omu
mmidiusu,
ca era currivusu e birbanti di carusu.
Un jornu appi 'na furtuna spacciata:
zappannu, truvà 'na lanterna
fatata;
appena la piglià e ji pi la
stricari,
un spiritu si vitti, subitu, spuntari.
«Esprimi un desideriu e
t’accuntentu,
prima di parlari, però sta'
attentu:
chiddru ca pi tia addumanni a mia,
'u duppiu, po’dugnu o vicinu 'i
tia.»
Certu, avissi vultu addummannari
oru, putiri, ricchizzi e tanti dinari;
pinzannu ca 'u vicinu arradduppiava,
mutu e pinzirusu si nni stava.
«Allura, qual è 'u to
disideriu?»
E 'u mmidiusu ci dissi seriu, seriu:
«Un occhiu vogliu aviri scippatu,
e 'u me vicinu... tunnu annurbatu!»
(Pino Bullara)
IMMIRUTI
HOME