'U
salinaru
Cu
carrettu, cu cavaddru, cu mulu,
po' ca
lambretta o cu sceccu sulu,
vinivanu di
l'antri paisi a Favara,
pi vinniri
robba prizziusa e cara.
Da Marina,
ogni matina, i pisciara,
di
Castrufilippu tutt'i cipuddrara,
di Naru, di
Camastra, di li Grutti
vinivanu a
vinniri virdura e frutti.
Tra tutti
chisti ricordu unu curiusu:
un omu
'ranni ca era guaddrarusu,
assittatu
mmezzu 'o carrettu stava,
sali biancu
e supraffinu vanniava .
Nun sacciu
bonu qual era 'u so paisi,
ma di sicuru avia
essiri Racarmutisi,
paisianu du zi Nardu, ma videmma
figliu di
ddra terra ricca di salgemma.
Ora, 'st'omu,
'u carrettu e 'a mula
parivanu che
eranu 'na cosa sula:
misu nu
mezzu, nun si smuviva
e c'un
tumminu 'u sali si vinniva.
"Cu
voli sali finu! " Iva vanniannu,
pi curtiglia
e vaneddri iva girannu .
Po' u sali
lu vinniva sulu 'u putiaru...
e nun
sacciu chi fini fici 'u salinaru.
(Pino Bullara)