Don Turiddru 'a Nespula

 

Don Turiddru 'a Nestula di nascita era narisi,

doppu 'a guerra di l'Africa, però, si fici favarisi.

Canuscì 'na beddra picciuttedra, ca o conzu stava,

si marità cu chista e a Favara di casa carriava.

 

Diciva ca a l'Afria avia fattu 'na guerra valurusa,

ma o postu di 'mbragli, avia sulu tappi di gazzusa.

Cu stu pettu chinu di 'sti lanni culurati caminava,

a cu vidiva e scummattiva di 'sta guerra ci cuntava.

 

Don Turiddru si vantava c'avia vinciutu battagliuna,

nantri carusi, pi sputtilu, ci cantavanu 'sta canzuna:

«Don Turiddru 'a Nespula, chiddru chi 'ammi  torti,

si nni ji a Tripuli, a carriari morti.»

                             ( Pino Bullara)